Креативон индустриты скълола байгом кæндзысты Цæгат Ирыстоны, федералон проект “Придумано в России”-мæ гæсгæ. Ууыл ныхас цыд премьер Дзанайты Барисы разамындæй æмбырды.
5-11-къласонтæ архайдзысты сæрмагонд студиты: звукорежиссурæ, фото æмæ видеокуыстад, дизайн æмæ электронон музыкæ. Ахуырадон программæмæ гæсгæ, фыццаг азы дæргъы алы ахуыргæнинаг дæр рацæудзæн 4 модулы æмæ базонгæ уыдзæн æппæт здæхтытимæ дæр. Дыккаг аз — профориентацион уыдзæн, здæхтытæй иумæ гæсгæ. Уæлдай æргом — “Пушкины картæмæ”. Хицауады сæрдар æм бабар кодта фылдæр фæсивæды æргом раздахын.
