Хæхты æппæтдунеон боны Цæгат Ирыстоны 10 альпинисты схиздзысты Антоновичы номыл цъуппмæ, Цъæйы. Зымæджы фыццаг хатт ссыдысты 3950 метры бæрзæндмæ. Сбастой йæ советон альпинист, Дзæуджыхъæуæй рацæуæг Иван Антоновичы 110-азы бонимæ.
Зæгъæн ис, æмæ Иван Антонович спортивон хуызы хæхтыл бырын фыццаг райдыдта. Йæ хъæппæрисæй сарæзтой Советон Цæдисы ерыстæ хæхтæм бырынæй. Уый фæстæ спорты ацы хуызæн аргъ кæнын райдыдтой æнæхъæн дунейы дæр. Иван Антонович альпинизмы рæзтмæ бахаста æгæрон æвæрæн. Æппæты бæрзонддæр цъуппмæ кæй схызт, уый тыххæй йæ кадджын хæрзиуæгæй схорзæхджын кодтой. Ныртæккæ Иван Антоновичы фæдонтæ дарддæр йæ куыст кæнынц. Стыр æнтыстдзинадыл банымайæн ис, хæхтыл бырыны спортивон хуыз сæрдыгон олимпаг хъæзтыты програмæмæ кæй бахастой, уый.
