Хæхты тæссаг у зæйтæ рацæуынæй

Æнæнхъæлæджы уавæрты министрады пресс-службæйы хъусынгæнинагмæ гæсгæ Цæгат Ирыстоны 1 500 метрæй бæрзонддæр хæхты тæссаг у зæйтæ рацæуынæй. Ахæм боныхъæд ахæсдзæн райсоммæ. Уымæ гæсгæ æнæнхъæлæджы уавæрты министрады управленийы специалисттæ сидынц республикæйы цæрджытæм æмæ уазджытæм цæмæй æххæст кæной æдасдзинады домæнтæ, æнæхъуаджы хæхтæм ма цæуой. Хæхты чи ис, уыдон та хъуамæ сæ цæст дарой боныхъæды ивддзинæдтæм. Ирвæзынгæнджытæ ма иу хатт æмбарын кæнынц, зæйтæ арæхдæр, бирæ мит кæм æруары, æхæм æрдæгцæхгæр хохы фæхстыл кæй рацæуынц. Тæссаг уавæры, кæнæ исты фыдбылызы чи бахауд, уыдонæн сæ бон у ирвæзынгæнæн службæмæ æрбадзурын. Сæ телефоны номыр раздæрау – 01, чырæ телефонæй дзургæйæ та – 101.