Методикон куыст æмæ специалистты цæттæдзинад фæуæлдæр кæныны центры хъæппæрисæй, стæй Цæгат Ирыстоны культурæйы министрады æххуысæй республикæйы арæзт æрцыдысты курсытæ. Баст сты «Ирон адæмы 2018-2020 азты национ-культурон рæзты»-ы программæимæ. Архайгæ та дзы кафджытæ кæнынц. Ахуырты фæрцы аивадон къордты разамонджытæн фадат фæцис номдзыд дæсныты фæлтæрддзинадыл фæцалх уæвынæн. Базыдтой ма ирон кæфтыты фæтк æмæ `гъдау дæр. Фылдæр хабæрттæ нын радзурдзæн Пелиты Сабинæ. Дæттæм ын ныхасы бар.
Раздæр æрбацæуын æмæ ма байрæджы кæнын. Нæ республикæйы алы районты аивадон разамонджытæн арæзт æрцыдысты дæсныйад æвдисæг диссаджы ахуыртæ. Хуыздæр балетмейстертæм бакæсын æмæ сæм лæмбынæг байхъусынмæ ссыдысты республикæйы алы районтæй 60 аивадон разамонæджы. Паддзахадон ансамбль “Алан”-ы кафджыты уæнгты æвæджиауы змæлдмæ бакæсын алы хатт свæййы удæнцой. Кафты фæрцы ам æвдисынц се `нкъарæнтæ.
Дæсныйад æвдисæг ахуырты фыццаг бон арæзт æрцыд сывæллæтты аивады райрæзты центр «Заря»-йы. Ныридæгæн сæ курдиат æмæ фæлтæрдзинадимæ базонгæ кодтой Цæгат Ирыстоны сгуыхт артист Зæнджиты Æхсар æмæ ансамбль «Алан»-ы аивадон разамонæг Тедеты Руслан. Ахæм ахуыртæ пайдайаг кæй сты, ууыл дызæрдыг æппындæр ничи нæ кæны.
Дæсныйад æвдисæг ахуыртæ арæзт æрцыдысты æртæ хуызмæ гæсгæ: национ зарæггæнджыты къордты, стæй адæмон кæфтыты ансамбльты разамонджытæн æмæ библиотекæйы кусджытæн. Дæнцæгæн хæссинаг специалисттæм æнæмæнг хъæуы кæсын. Кафтæн йæ историмæ байхъусын, куыд хуыздæр у, афтæ йæ сæвæрын. Ахæм æмæ æндæр фæрстытæн дзуапп ссарынц ам. Райсом та сæ зонындзинæдтæ фæуæрæх кæныны рад æрхаудзæн библиотекæйы кусджытæм. Зондамонæг специалисттæ та ссæудзысты Санкт-Петербургæй. Мадзал ахъаз у национ литературæ бахъахъхъæныны фарстайæн.
Пелиты Сабинæ
