Хъазахъхъагтæй, сæрмагонд æфсæддон операцийы, чи архайдта, уыдоны схорзæхджын кодтой хæрзиуджытæй

488 азы æххæст кæны Теркаг хъазахъхъаг æфсæдты равзæрдыл. Ахсджиаг бæрæгбоны фæдыл кадджын уавæры сæрмагонд æфсæддон операцийы 18 хæстонæн радтой хæрзиуджытæ. Уыдон тох кодтой уæды батальон “Терек”-ы уæвгæйæ, ныр та “Бригада”-йы. Йæ хыгъды уыд 100 адæймаджы, ныртæккæ уыцы нымæц дæсгай хатты фылдæр у. Æрхъуыды ма кодтой, æппынæдзух гуманитарон æххуыс чи кæны, уыдоны. Игорь Стабровский бынатмæ хæццæ кодта æфсæддонтæн хъæугæ дзауматæ. Йæ амæлæты фæстæ хорзæхгонд æрцыд Виталий МоргАнов. Хъазахъхъаджы бинонтæн загътой бузныг.