Хетæгкаты Къостайы райгуырдыл 15 октябры æххæст кæны 160 азы. Уыйадыл арæзт цæуынц бирæ цымыдисаг мадзæлттæ. Уыцы бонмæ нæ горæты районты бацæттæ кæндзысты концертон программæтæ æмæ экскурситæ. Бæрæгбоны фæдыл нæ горæтмæ æрæджы саггаг кодтой уазджытæ Стъараполæй. Æрцыдысты стыр делегацийæ. Семæ уыд сæ фысджыты цæдисы разамонæг дæр. Бафæндыди сæ афæлгæсын рухстауæг, фыссæг, нывгæнæг, публицист, ирон адæмы раздзог Хетæгкаты Къоста кæм цард æмæ архайдта, уыцы бынæттыл. Журнал «Ирæф»-ы сæйраг редактор æмæ Цæгат Ирыстоны фысджыты цæдисы сæрдары хæдивæг рагагъоммæ баныхас кодтой, цæмæй Хетæгкаты Къостайы райгуырæн бонмæ саразой фембæлд.
Уыимæ ма делегацийы минæвæртæ разыйæ баззадысты ацы цымыдисаг фембæлдæй. Уымæн æмæ Къостайы сфæлдыстадон фæндаг баст у Стъараполимæ. Поэт Николай Ананьченкойы ныхæстæм гæсгæ уый тынг бирæ уарзы Къостайы æмдзæвгæтæ. Куыд нымайы, афтæмæй Хетæгкаты Леуаны фырты ном æрмæст Ирыстоны адæмы ‘хсæн нæу хъуыстгонд, фæлæ ма æгас Стъараполыл дæр.
