Цæгат Ирыстоны делегацийы сæ цымыдисаг равдысты тыххæй нырыккон журналистикйы форум «Æгас Уæрæсе-2019» -йы схорзæхджын кодтой дипломæй. Балæвар сын æй кодта Уæрæсейы журналистты цæдисы секретарь Роман Серебряный. Уый куыд бафиппайдта, афтæмæй Ирыстоны журналисттæ дыккаг аз бацæттæ кæнынц цымыдисаг равдыстытæ. Форумы уазджытæн равдисынц национ кæфтытæ. Базонгæ сæ кæнынц ирон адæмы культурæимæ. Æдæппæтæй хуыздæрыл банымадтой 11 регионалон хайады. Алкæй дæр сæ фæнысан кодтой. Равдыстыты кампанийы архайдтой æппæтадæмон делегацитæ дæр. Се `хсæн Болгари æмæ Кипры минæвæрттæ. Мадзал аразджытæ ма аккаг аргъ скодтой пресс-секретарьтæн. Сарæзтой сын сæрмагонд конкурс. Уæлдай æргом жюрийы уæнгтæ аздæхтой пресс-службæтæ æмæ дзыллон информацион фæрæзты æмгуыстадмæ. Специалисттæ бацæттæ кодтой сæрмагонд докладтæ. Фæнысан дзы кодтой сæ ведомствæты куысты тыххæй. Мадзал аразджытæ нæ делегацийы минæвæрттæн скодтой стыр аргъ. Конкурсы уæлахиздзаутæ систы республикæйы æнæниздзинад хъахъхъæныны министрады пресс-секретарь Абайты Иринæ æмæ æппæтуæрæсеон адæмон фронты регионалон хайады дзыллон-информацион фæрæзтимæ координатор Бæдтиаты Оксанæ.
Номинаци «Лучший дизайн»-ы 1-аг къæпхæны димплом саккаг кодтой национ телекомпани «Осетия-Ирыстоны» диджитал-производствайы службæйы разамонæг Ассир Хамоевæн, Хуыздæр автæрон программæйы тыххæй диплом раттой Паддзахад телерадиокомпани «Алания»- йы директор Хъуысаты Тимурæн. Национ телекомпани «Осетия – Ирыстоны» шеф редактор Джанайты Альбинæйы схорзæхджын кодтой дипломæй авторон программæ «Большие Осетины»-йы тыххæй. Кады гæххæтæй ма фæнысан кодтой Цæгат Ирыстоны сæргълæууæг æмæ хицауады пресс службæйы. Пресс-службæтæ æмæ дзыллон информацион фæрæзты æмгуыстады тыххæй Цæгат Ирыстоны сæргълæууæг æмæ хицауады пресс службæйы разамонæг Сабанты Фатимæйы медиапроект банымадтой хуыздæрыл.
