Ходы æхсары номыл мемориалон фæйнæг байгом кодтой Октябрскæйы

Октябрскæйы кадджын уавæры мемориалон фæйнæг байгом кодтой Ходы Æхсарæн. Зондамонæг хистæр 15 азæй фылдæр бакуыста «Иры Стыр Ныхас»-ы Горæтгæрон районы хайады сæрдарæй. Ныхасы сæргъы лæугæйæ, кодта удуæлдай куыст. Йæ хъæппæрисæй арæзт æрцыд комитеттæ, алыхуызон форумтæ фæсивæды ‘хсæн. Йæ æнæхин æмæ зæрдиаг куысты тыххæй хорзæхджынгонд æрцыд бирæ майдантæй æмæ Кады гæххæттытæй: «За доблестный труд», «Заслуженный экономист», «Ветеран труда», «Ирыстоны Намыс»-ы æмæ бирæ æндæртæй. Абон кадджын мадзалы архайдтой мыггаджы минæвæрттæ, хъæуы цæрджытæ, бынæттон администрацийы уæнгтæ.