Дзæуджыхъæуы райдыдтой японийы культурæйы бонтæ. Экспозици байгом наукон библиотекæйы. Ам фенæн ис самурайты нывтæ, комиксты эскизтæ, оригами æмæ национ костюмтæ.
Экспонаттæ арæзт сты айкидойы республикон федерацийы уæнгты æххуысæй. Федераци кусы 25 азы. Фестивалы сæйраг хæс у нæ республикæйы цæрджыты хурскæсæйнаг культурæимæ базонгæ кæнын. Мадзалы фыццаг боны кæрон равдыстой япойнаг режиссеры аивадон киноныв. Уæ зæрдыл уын æрлæууын кæндзыстæм, 2018-æм аз Уæрæсейы у япойнаг культурæйы аз. Японийы та – Уæрæсейы культурæйы.
Ацы равдыст бацæттæ колдтам, цæмæй япойнаг культурæ йæ зæрдæмæ кæмæн цæуы, уыдоны бон уа равдисын се нкъарæнтæ ахæм хуызы. Зæгъæм, скæсæйнаг хæсты хуызтæй чи архайы, уыдон нывты æвдисынц сæ арæхстдзинад.
Уæдæ æндæр аивады дæр йæхи чи ссардта, уый дæр афтæ. Равдысты ис бирæ сывæллæтты куыстытæ. Уыдон дæр æвдисынц Япони цавæр фæд уадзы сæ царды æмæ йæс цаæр цæстæй кæсынц, уый.
