Хуссар æмæ Цæгат Ирыстон баныхас кодтой театралон аивады къабазы æмгуыст кæнын

27.11.2019 21:54

Хуссар Ирыстоны паддзахадон драмон театр æмæ Цæгат Ирыстоны Тæбæхуаты Балойы номыл ирон театр разамонджытæ Дзуццаты Тамерлан æмæ Колыты Владислав бафыстой æмгуыстады бадзырд.

Хуссар æмæ Цæгат Ирыстон баныхас кодтой театралон аивады къабазы æмгуыст кæнын. Хуссар Ирыстоны паддзахадон драмон театр æмæ Цæгат Ирыстоны Тæбæхуаты Балойы номыл ирон театр разамонджытæ Дзуццаты Тамерлан æмæ Колыты Владислав бафыстой æмгуыстады бадзырд. Уымæ гæсгæ, сфæлдыстадон галуантæ иумæ архайдзысты Ирыстоны аивад æмæ æгъдæуттæ бахъахъхъæныныл. Кусдзысты регионалон æмæ æппæтадæмон культурон ахастдзинæдты райрæзтыл. Уæ зæрдыл уын æрлæууын кæндзыстæм, ныртæккæ Хуссар Ирыстоны артисттæ гастрольты сты нæ республикæйы. Бацæттæ кодтой цымыдисаг спектакльтæ. Театрдзауты зæрдæтæ рæвдаудзысты 6 боны.

Предыдущий материал

Хетæгкаты Къостайы номыл паддзахадон премийы лауреатты тыххæй чиныджы презентаци

Следующий материал

Турчы ирон диаспорайы минæвæрттæ абон сбæрæг кодтой Фæсивæды бон