Хуссар Ирыстоны кусæг балцы ис Донецкы адæмон республикæйы юстицийы министрады минæвæрттæ. Цхинвалы фембæлдысты республикæйы профилон министрады разамонæг Лалыты Зæлинæимæ.
Æмбырды фæстæ, уазджытæ сæ фæндаг акодтой Цхинвалы 5-æм скъолайы цы мемориалон комплекс ис, уымæ. Цыртдзæвæнмæ æрбахастой дидинджытæ æмæ веноктæ. Офицалон æгъдауæй Хуссар Ирыстон æмæ Донецк сфидар кодта барадон æмгуыстады бадзырд. Лалыты Зæлинæйы ныхæстæм гæсгæ, ахæм меморандум бафыссын руспебликæты хсæн кæй бантыст, уый ахадгæ æвæрæн бахæстдзæн ахæстдзинады фарстатæм. Официалон гæххæтты нысангонд ис, адæмы бартæ хъахъхъæныныл иумæ кæй кусдзысты, уый. Уый фæдыл сараздзысты сæрмагонд комитет æмæ кусæг къордтæ. Йæ фæлгæты ма араздзысты тымбыл стъолы æмбырдтытæ. Уым ныхас кæндзысты ацы ахсджиаг темæтыл. Уымæй уæлдай ма Донецкы минæвæртты хъæппæрисæй ныртæккæ цæттæ кæнынц æндæр бадзырдтæ дæр.
Адæмон республикæйы юстицийы министры хæстæ æххæстгæнæн Яков Ходос куыд загъта, афтæмæй ма сараздзысты фæндаггон картæ дæр. Уый руаджы адæмæн æнцондæр уыдзæн сæ барты тыххæй бæлвырд информаци базонын. Бæрнон кусджытæ фæнысан кодтой, хъуыддаг кæд нырма гæххæттыл фидаргонд у, уæддæр ын цард раттдзысты тагъд рæстæгмæ.
