Хуссар Ирыстон: «Уæрæсе хъуама гуырдзиаг постмæ цæст æрдара»

Хуссар Ирыстоны парламент фæнд кæны Уæрæсейы паддзахадон думæ æмæ Федерацийы Советмæ хъæппæрис бахæссын, цæмæй Гуырдзыйы ’хсæн арæн посты тыххæй цы быцæу рауад, уыцы хъуыддагмæ æркæсой. Абон æй сæрмагонд æмбырды сфидар кодтой. Куыд дзы нысангонд ис, афтæмæй æнæзакъонæй арæнты пост кæм фæзынд, уыцы ран хъæздыг у æрзæтты æвæрæнтæй. Домæнтæ кæй халынц, уый та ноджы æвзæры ’рдæм фæбæрæг вæййы паддзахадты ахастдзинæдтыл. Уыимæ ма, Хуссар Ирыстон æмæ Уæрæсейы ’хсæн ахастдзинæдтæ хуыздæр кæныны тыххæй, бадзырдмæ гæсгæ, бакусинаг у æддагон политикæйы фарстатæ æмæ алы къабазы дæр æмгуыстад. Парламенты депутатты хъуыдымæ гæсгæ, Быцæутæ иуварс кæныны сæрмагонд æмбырды уыцы фарстайы фæдыл иу хъуыдымæ не’рцыдысты. Афтæмæй та абон арæнты фарста ногæй дзырддаг сси уыцы æмбырды, фæлæ растдзинадмæ æрцæуын афтæ дæр та нæ бантыст. Президенты æххæстбарджын минæвар Джиоты Мурат, куыд загъта, афтæмæй арæнты пост Цънелисы хъæуы – æнæзакъонæй арæзт æрцыд. Гуырдзыстоны та ууыл не’сразы сты. Пост сисын афтæ дæр нæ хъавынц. Сæ минæвæрттæ куыд фæнысан кодтой, афтæмæй хæстæг хъæуты цæрджыты æдасдзинадæн тæссаг нæу, стæй дзы арæнхъахъæнджытæ дарддæр рад хæсдзысты. Уыимæ Хуссар Ирыстон æмæ Гуырдзыстон баныхас кодтой, хъуыддаг æвзæры рдæм цæмæй ма цæуæ, уый тыххæй кæй бацархайдзысты. Гуырдзыстонмæ Европæйы Цæдисæй цы цæстдарджытæ æрцыдысты, уыдон та Хуссар Ирыстоны арæнтæм кæй нæ бахиздзысты, ууыл кæй архайдзысты.