Хуыгаты Артуры фæстаг къа мтæй иу. 2022-æм азы январы ист у. Альбомы сыфтыл лæппуйы алыхуызон хуызистытæ. Сабибонтæ, скъолайы афон, службæйы рæстæг. Йæ мад Мæхъиты Зæринæ сæ се ‘ппæт дæр арф хъахъхъæны. Хæларзæрдæ, цардуарзаг — ахæмæй баззайдзæн йæ мады зæрдæйы. Артур йæхицæн равзæрста æфсæддон дæсныйад, йæ фыд Хуыгаты Аланы дæнцæгмæ гæсгæ, уый дæр у сæрмагонд æфсæддон операцийы архайæг. Лæппу йæ райгуырæн Тарскæйы 1-æм скъола каст куы фæцис, уæд æм фæсидтысты æфсадмæ. 2014-æм азы ахуыр кæнынмæ бацыд Смоленскы Уæрæсейы гæрзифтонг тыхты академимæ.
Академи каст куы фæцис, уæд Хуыгаты Артур йæ службæ дарддæр æххæст кодта 35-æм æфсады Скæсæйнаг æфсæддон зылды 69-æм хицæн бригады. Сæрмагонд æфсæддон операцийы райдианæй йæхицæн фидарæй загъта, фæсте фæлæууæн кæй нæй.
Херсоны облæсты Артур æххæст кодта минæтæхсæн взводы командæгæнæджы хæстæ. Райста приказ знаджы бынæттыл ныббырсыны фæдыл. Экипаж баййæфта æхстытæ. 8-æм сентября 2022-æм азы хъайтар фæмард, йæ хæлæртты ирвæзынгæнгæйæ.
Цы ныфс æмæ хъæбатырдзинад равдыста, уый фæдыл æфсæддон офицер Хуыгаты Артур хорзæхгонд æрцыд лæгдзинады орденæй, йæ амæлæты фæстæ. “Аккаг у Уæрæсейы хъайртары ном райсын”, ацы ныхæстæ фыст сты хæдзары къулыл. Ацы аз Артурыл хъуамæ сæххæст уыдаит 30 азы.
