Ацы сюжет эфирмæ куы цæттæ кодтам абон, уæд нæ размæ фæци иу видеоæрмæг. Уый дæр ист у Хуымæллæджы. Ныртæккæ уын æй равдисдзыстæм. Ацы кадртæ социалон хызты апарахат кодтой бынæттон цæрджытæ.
Ацы бæстыхай у хъæуы спортивон зал. Куыд æй уынут, афтæмæй æрмæст сæ амбулатори ахæм уавæрмæ не`ртардтой. Иу уæладзыгон спортивон зал кæд ныккæлдзæн, уый бæрæг нæй. Къулы сæрстытæ пырх кæнынц, къæвдатæ куы рауары, уæд æддейæ куыд вæййы, мидæгæй дæр афтæ. Царæй дон бынмæ лæдæрсы. Фæлæ, бынæттон цæрджытæ куыд зæгъынц, афтæмæй фæсивæд уæддæр ардæм цæуынц спортæй архайынмæ. Уæвгæ сын æндæр гæнæн дæр нæй. Ацы хъуыддаджы фæдыл мах аныхас кодтам Хуымæллæджы администрацийы сæргълæууæг Сæлбиты Артуримæ. Цы нын загъта, уымæ ма байхъусут.
