Хъыгдæрд баййæфта, уыцы альпинисткæйы æнæнхъæлæджы уавæрты министрады вертолет дайраны комæй раласта

Æнæнхъæлæджы уавæрты министрады вертолет Ирыстоны хæхтæй раласта, хъыгдæрд чи баййæфта, уыцы альпинисткæйы. Чызг альпинистты къордимæ ссыд Хъазыбеджы хохы цъуппмæ. Æмæ дæлæмæ цæугæйæ йæ къах ныццавта. Æнæнхъæлæджы уавæрты министрады республикон управленийы пресс-службæйæ куыд хъусын кæнынц, афтæмæй вертолетæй альпинистты къорды цурмæ бæндæны руаджы æрхызтызты ирвæзынгæнджытæ æмæ систой уæлæмæ чызджы. Уый фæстæ йæ дохтыртæ бахæццæ кодтой республикон клиникон рынчындонмæ. Альпинистты къорды иннæ архайджытæ дарддæр сæхæдæг Хъазыбеджы хохæй цæуынц дæлæмæ. Уæ зæрдыл уын æрлæууын кæндзыстæм, туристтæ, æххуыс сæ кæй хъæуы, уый тыххæй фехъусын кодтой абон райсомæй.