Ифтонггæрзты техникон уавæр, кусджыты фæллойы фæтк æмæ цӕттӕ продукты бæрæгкӕнынад. Дзиццойты Василийы куыстӕн боны дӕргъы алы минут дæр ахсджиаг у. Биномы кусы ныр 46 азы. Уæвгæ, бирæ бынæтты бафæлвæрдта йæхи. Фæлæ, йæ уарзон куыстæй фæллайын нæ зоны. Йæ зонындзинæдты руаджы сси куыстуаты хуызæр куысджытæй иу. 85-аздзыд нæлгоймаг абон дæр у цæрдæг. Ис æм бирæ ног хъуыдытæ æмæ фæндтæ.
Ныридæгæн заводы кусынц 72 адæймаджы. Ахæм чысыл къордæй æххæст кæнынц паддзахады хъахъхъæнынадон егъау заказтæ. Æппæт архайд та райдайы цæттæгæнæн цехы. Æппæт гарзты хæйттæ дæр арæзт цæуынц ам. Кусджыты ныхæстæм гæсгæ, æнцон нæу.
Мæ куыст у тынг цымыдисаг, æмæ йæ тынг бирæ уарзын. Кæй зæгъын æй хъæуы, у бæрнон куыст. Гарзты кæцыдæр хай цӕттӕ кӕнынц сӕрмагонд гӕрзты руаджы æмæ сæ раст куы нæ саразæм, уæд сæ дарддæр спайда кæнæн нал уыдзæн. Уымæ гæсгæ, хъæуы æппынæдзух лæмбынæг кӕсын.
Заводы æдæппæтæй ис æртæ цехы. Уыдонæй дыууæ — цæттæгæнæнтæ. Æмæ иу, сæйраг — æмбырдгæнæн. Ам чысыл хæйттæй æмбырд кæнынц дыууæ хуызы резистортæ. Уыдон ласынц бæстæйы хъахъхъæнынадон-промышленон 160 куыстуатæй фылдæрмæ. Уæлдай æргом здахынц продукцийы хæрзхъæддзинадмæ.
Резистор сæрмагонд камерæйы дарæн ис цалдæр мæйы дæргъы. Уыцы рæстæгмæ рæбæрæг кæнынц, æмбæлгӕ хуызы кусы æви нӕ. Алы дзаумамæ лæмбынæг цæстдард. Æрмæст афтæмæй бæлвырд сфидар кæнынц дзаумайы хæрзхъæддзинад. Уый бæрц куыст сæххæст кæнын, кæй зæгъын æй хъæуы, æнцон нæу. Уæлдайдæр та абон, – заводы нæ фаг кæны специалисттæ.
Ныртæккæ нæ æрыгон адæм куыстмӕ, ис афтæ зæгъæн, æмæ æппындæр нæ тырнынц. Нæ нын фаг кæны кусджытæ. Курдиæттæ бадæттæм, фæлæ ничи цæуы. Æмæ куы æрбацæуынц, уæд та сæ фылдæры цымыдис кæны мызды бæрц. Æхца исын сæ фæнды, фæлæ кусын та – нæ. Уæлдай дæр та нæ куысты, ам бирæ лыстæг куыст ис.
Æмæ кæд куыстуат абон зындзинæдтæ æййафы, уæддæр дарддæр рæзы. Ам æппынæдзух кусынц, цы продукци уадзынц, уый фæфылдæр кæныныл. Профессионалон кусджытæ та сæ тыхтæ не ‘вгъау кæнынц уыцы хъуыддагæн.
