Ирон Фæндыр”-ы фестиваль æрымбырд кодта бирæ адæмы. Адæмон инструменттыл цæгъдыныл дунеон фестиваль традицион культурæ æмæ этнотуризм “Фарн”-ы хъæппæрисæй арæзт æрцыд æртыккаг хатт.
Ирон театры сценæмæ рацыдысты æмæ сæ курдиат равдыстой республикæйы алы районты хуыздæр музыкалон къордттæ æмæ зарæггæнджытæ. Фестивалы сæйраг нысан у – традицион музыкалон культурæ сæфын ма бауадзын æмæ адæмон зарæггæнджытæн сæ курдиат раргом кæнын. Сценæйыл сæхи равдыстой 20 ансамблы æмæ 100 зарæггæнæгæй фылдæр. Фестивалы ма архайдтой Абхазийы минæвæрттæ.
