Ирыстойнаг спортсментæ архайдзысты ерысты Индийы

Индийы сæйраг горæт Нью-Делийы та райсом ацæудзæн æртыккаг чемпионат спортивон хъæбысхæстæй. Фыццаг бынат бацахсыныл тох кæндзысты æхсæз клубы. Æртæйы дзы сæ тых бавзардзысты Уæрæсейы минæвæрттæ, уыимæ цæгатирыстойнæгтæ дæр. Турниры фæлгæты уал клубты уæнгтæ фембæлдзысты кæрæдзиимæ. Уыйфæстæ цыппар хуыздæр къорды спорстментæ сæ хъару `вдисдзысты æрдæгфиналы ерысты. Алыхуызон уæзты фæсивæд схæцдзысты уæгъдибар æмæ грекъаг-ромаг хъæбысхæстæй. Олимпаг чемпион Рæмонты Сослан тох кæндзæн 65, дунейы чемпион Цæболты Хетик та йæ хъару бавзардзæн 74 кг онг уæзы. Уымæй уæлдай ма Уæрæсейы æмæ Ирыстоны кад турниры хъахъхъæндзысты Кетойты Георгий æмæ Æлборты Аслæнбег. Дыууæйæ дæр фæуæлахиз уæвыныл архайдзысты нæуæдз дыууæ кг онг уæзы. Кæронбæттæн ерыстæ ацæудзысты 26 январы.