Дзæуджыхъæуы ацы бонты цæуынц Уæрæсейы Хуссар хайы ерыстæ хоккейæ. Спортивон турнир ахæсдзæн 14-æм январмæ. Нæ республикæйы командæтæй уæлдай ма дзы сæ тыхтæ æвзарынц Стъараполы, Невинномысскы, Севастополы æмæ Донецкы минæвæрттæ. Турниры архайджытæ сты 12-аздзыдтæ. Ерыстæ федта нæ республикæйы физкультурæ æмæ спорты министр Бæройты Хасан. Уый раарфæ кодта æвзонг хоккеисттæн. Турниры кæрон хуыздæр хъазæгæн йæ номæй балæвар кæндзæн хоккеист Илья Ковальчукы футболкæ. Ерысты фыццаг хайы ирыстойнаг командæ «Алайнаг Фыранчытæ» Волгограды бацахста 3-аг бынат. Ныртæккæ сæхи цæттæ кæнынц иннæ хъæзтытæм.
Дойаты Георгий, хоккеист: «Зын тренировкæтæ кæнæм ныртæккæ. Фæстаг хатт нын нæ тренер амыдта ныхмæлæууæгыл куыд фæуæлахиз уæвæн ис, уый. Уыцы сусæгдзнæдтæ нæ бахъæудзысты турныры. Тынг мæ фæнды, цæмæй фæуæлахиз уæм».
