Математикæ зонынц иттæг хорз, дзуæппытæ уайтагъд сæ сæрты цæттæйæ рагæпп кæнынц. Ахæм миниуджытæй стæм адæм вæййынц хайджын. Ахуыргæндтæ уыцы фæзынд рахуыдтой менталон математикæ. Бауырнæд уæ, ныртæккæ цы сывæллæтты фендзыстут, уыдон дисы `фтауынц. Табуафси.
Тагъд нымайыны хъуыддаг зындгонд у рагзамантæй нырмæ. Ацы сывæллæтты ахуыр кæнынц, нымайæн къæбæлты хуызæн чи у, ахæм кусæнгæзтæй. Хуыйнынц «абакустæ». Нымæцонтæ кæрæдзимæ æфтаугæйæ, æмæ сæ дих кæнгæйæ сывæллæттæн сæ бон у æмдзæвгæтæ кæсын æмæ ма раст зарын дæр. Сæхицæн æххуыс кæнынц се нгуылдзтæй. Куы фæнымайынц, уæд сæ цæстытыл абакустæ ауайынц.
Сывæллæттæ скъолайы кæд афæдз йедтæмæ нæма сты, уæддæр сæ къухы æнтыстдзинæдтæ бафтыди. Фарон Мæскуыйы æппæтуæрæсеон ерысты бацахстой, хæрзиуджытæ кæм райстой, ахæм 5 бынаты.
Ахуырæй разы сты ныййарджытæ дæр. Куыд зæгъынц, афтæмæй сæ цот райдыдтой тагъддæр хъуыды кæнын.
Ахуырадон куыст афтæ арæзт у, æмæ адæймагæн кусынц йæ сæрымагъзы дыууæ хайы дæр. Галиу фарс дзуапп дæтты логикæйæн, рахиз фарс та — æнкъарæнтæ æмæ æрхъуыдыкæнынадæн. Уыцы-иу рæстæг дыууæ хайæ кусыныл сахуыр кæнын у центров специалистты нысан. Фæлæ алы сывæллонимæ дæр хицæнæй кусын хъæуы. Кæмæндæрты ацы методикæйæн йæ бон у зиан æрхæссын. Дзырдæн зæгъæм, гуманитарон зондахаст кæмæн ис, уымæн ацы ахуыры хуыз пайда не рхæсдзæн. Психологтæ сидынц хистæртæм: сæ цот кæд цыфæнды курдиатджын сты, уæддæр хъуамæ рох ма кæной: сæ кæстæртæ сывæллæттæ кæй сты, уый.
Гуыбаты Людæ
