Уазджытыл сæмбæлдысты хъæлдзæгæй æмæ зарджытимæ. Æнахъом сывæллæтты социалон реабилитацийы центр “Доброе сердце” бабæрæг кодтой “Иугонд Уæрæсе”-йы минæвæрттæ. Партионтæ æркастысты, сæрдыгон дзæбæхгæнæн кампани ам куыд цæуы, уый.
Се ‘нæниздзинад хъыгдард кæмæн у, уыцы сывæллæтты уæттæм фыццаг æркастысты. Агъуысты — бирæфункционалон сынтæг, пандусимæ уæлæмхасæн рахизæн кæртмæ. Æдæппæтæй лагеры ис 10 уаты, 4-5-гай хуыссæнимæ. Иууылдæр сты иу бæстыхайы. Тагъдаразгæ модулон конструкци 49 сывæллонæн у.
Лагеры баулæфыны фадат ис 7-æй 15 азы онг сывæллæттæн. Уыдон сты сæрмагонд æфсæддон операцийы архайджыты, бирæсывæллонджын æмæ зын уавæрты бахауæг бинонты цот. Сæ боны нывæзты алы минут дæр — пайдаимæ. Архайынц театралон студи æмæ музыкалон клубы дæр. Хъазынц спортивон фæзыл. Саразынц сын экскурситæ.
Сывæллæтты музейтæ, театртæм хонын, спортмæ æмхиц кæнын бабар кодта Сергей Меняйло. Цы автобусыл сæ фæласынц, уый дæр федтой партионтæ.
Партийы уæнгтæ бабæрæг кодтой Сылгоймæгтæ æмæ сывæллæттæн кризисон æххуысы хайад дæр. Рæстæгмæ æрцæрынæн ам æппæт уавæртæ дæр ис.
Сывæллæттæн боны дæргъы вæййы 5 аходæны. Хъæугæ хостимæ медпункт дæр ис бынаты. “Иугонд Уæрæсе”-йы уæнгтæ уавæртæй разыйæ баззадысты.
Мониторинг сарæзтой “Иугонд Уæрæсе”-йы адæмон программæйы фæлгæты. Партионтæ бабæрæг кодтой республикæйы æппæт дзæбæхгæнæн бынæттæ. Æмтгæй райсгæйæ, сæ ныхасмæ гæсгæ, регион йæ хæс сæххæст кодта.
