Сергей Меняйло амыдта терроризмы ныхмæ къамисы æмбырд. Ныхас цыд санаторон-курортон объекттæ, фысымуæттæ æмæ дзæбæхгæнæн кусæндæттæ куыд хъахъхъæд цæуынц, ууыл. Ныридæгæн цы мадзæлттæ æххæст кæнынц, уый тыххæй радзырдта республикæйы фæллой æмæ социалон рæзты министр Абайты Юрий. Сæрдыгон дзæбæхгæнæн кампани райдыдта 25-æм майы æмæ ныры онг æппæт хъæугæ цæттæгæнæн куыст бакодтой: материалон техникон бындур снывыл кодтой, сарæзтой æдасдзинады паспорттæ. Регионы разамонæг бабар кодта цæстдарæг оргæны амынддзинæдтæ бæстонæй æххæст кæнын.
