“Иугонд Уæрæсе”-йы рагагъоммæйы æвзæрстыты раззагдæртæ Цæгат Ирыстоны систы Паддзахадон Думæйы ныры депутаттæ Мæхъиты Зураб æмæ Таймазты Артур

“Иугонд Уæрæсе”-йы рагагъоммæйы æвзæрстыты раззагдæртæ Цæгат Ирыстоны систы Паддзахадон Думæйы ныры депутаттæ Мæхъиты Зураб æмæ Таймазты Артур. Уый тыххæй фехъусын кодта республикæйы сæргълæууæг Сергей Меняйло. 25-æй 31 майы онг сæ хъæлæс радтой республикæйы 52 мин цæрæгæй фылдæр. Алкæйы бон дæр уыд уыцы иу рæстæг цалдæр кандидаты равзарын. Хатдзæгтæм гæсгæ номхыгъды сæргъы ис Мæхъиты Зураб. Ууыл схъæлæс кодтой 27 мин адæймаджы. Фыццаг вице-премьер Атарты Георгийыл схъæлæс кодтой 18 мин æмæ 500 адæймаджы. Хицауады сæрдары фыццаг хæдивæг Тхостаты Мураты равзæрстой 15 мины 500 адæймаджы. Таймазты Артур райста 32 мин 114 хъæлæсы. Регионы разамонæг куыд фæнысан кодта, афтæмæй радон къæпхæн: снысан кæнын фæззæджы “Иугонд Уæрæсе”-йæ Паддзахадон Думæмæ æвзæрстыты чи архайдзæн, уыцы кандидатты хыгъд.