“Иугонд Уæрæсе”-йы регионалон хайады уæнгтæ архайынц Æппæтуæрæсеон акци “Бæллицты заз бæлас”-ы

Республикæйы Сæргълæууæг Сергей Меняйло архайдта Æппæтуæрæсеон акци «Бæллицты заз бæлас»-ы. Мадзал ацыд парти «Иугонд Уæрæсе»-йы регионалон хайады. Сергей Меняйло заз бæласæй райста 5 хъазæны фыстæджытимæ. Афтæмæй сбæрæг ис, сывæллæтты кæй хъæуы велосипед, скейтборд, смарт-сахаттæ, æмæ æнæнхъæлæджы лæвар. Республикæйы сæргълæууæг зæрдæ бавæрдта, æппæт бæллицтæ дæр кæй сæххæст уыдзысты, уымæй. Регионы чысыл цæрджыты бæллицтæ ма сæххæст кæндзæн Цæгат Ирыстоны Парламенты сæрдар Тускъаты Таймураз æмæ «Иугонд Уæрæсе»-йы фракцийы депутаттæ. Акци арæзт цæуы Уæрæсейы æппæт регионты бæстæйы Президент Владимир Путины хъæппæрисæй. Хорз традицимæ гæсгæ, Ног азы бæрæгбоны агъоммæ æххæст кæнынц сывæллæтты ахсджиагдæр бæллицтæ.