Иумæйаг паддзахадон фæлварæны бацархайынæн сæхи срегистраци кодтой 737 минмæ ‘ввахс адæймаджы. Æппæты егъаудæрыл нымад у уырыссаг æвзагæй фæлварæн. Ацы аз æй хъуамæ ныффыссой 700 мин рауагъдоны. Профилон хуызы математикæ равзæрстой 337 мин азуырдзауы, бындурон кæй хонæм, уый та 352 мин адæймаджы.
Равзарæн кæмæм ис, уыцы предметтæй та æхсæнзонынад сси, фылдæр кæй равзæрстой, ахæм. Радтын æй фæнд кæнынц 333 мин скъоладзауы. Ведомствойӕ ма куыд фехъусын кодтой, афтæмæй Иумæйаг паддзахадон фæлварæн ацæудзæн æртæ къæпхæнæй: рагагъоммæ 21-æм мартæй 15-æм апрелмæ, сæйраг 26-æм майæ 2-æм июлмæ æмæ уæлæмхасæн – 5-æмæй 20-æм сентябрмæ. Архайджытӕй нæ домдзысты ПЦР тесттӕ. Уыимæ, раздæрау, æххæст кæндзысты æппæт санитарон-эпидемиологон домæнтæ.
