Цæгат Ирыстоны ацы аз фæзындзæн æнæниздзинад хъахъхъæнынады дыууæ ног, æртæ та бындурон цалцæггонд объекты. Ног амбулатори Сындзыхъæуы, Бехъаны та фелсырон пункт. Бындуронӕй цалцæггонд æрцæудзæн Кировы районы станицæ Луковскаяйы амбулатори æмæ Цаликовойы фелсырон-акушерон пункт. Ивд æрцæудзысты хъæугæ ифтонггæрзтæ дæр.
Ацы нысæнттæ сæххæст кæнынæн рахай кодтой 370 млн сомы бæрц. Ныридæгæн æппæт объектты фæдыл дæр цæттæ кæнынц проектон-хыгъдон документаци. Куыстытæ æххæстгонд æрцæудзысты федералон программæйы фæлгæты.
