Йæ 100 азы юбилейы фӕдыл Мӕрзойты-Хъиргъуты Верӕйӕн раарфӕ кодтой Дзæуджыхъæуы администрацийы уӕнгтӕ

Йæ 100 азы юбилей бæрæг кæны Мæрзойты-Хъиргъуты Верæ. Йæ цардвӕндаг ӕнӕфӕхицӕнгӕнгӕ баст у республикӕимӕ. Ӕрӕфы районӕй рацӕуӕг, райста медицинон ахуырад ӕмӕ 60 азӕй фылдӕр снывонд кодта рынчындоны куыстӕн. Сыхӕгтӕ ӕмӕ хӕстӕджытӕ йын стыр аргъ кæнынц йӕ куырыхон зонд ӕмӕ цардуарзондзинады тыххæй. Верæйы сӕйраг сӕрыстырдзинад — йе стыр ӕмӕ хӕлар бинонтӕ. Схъомыл кодта 4 фырты. Абон йӕ алыварс ис 15 хъӕбулы хъæбулы, сæ цот 33-йæ ӕмӕ ма уыдонæй иуæн дæр — саби. Дзæуджыхъæуы администрацийы сӕргълӕууӕг Милдзыхты Вячеславы номӕй кадджын хистæрæн раарфӕ кодтой Цӕгат-Ныгуылӕн ӕмӕ Терчы фале районты администрациты минӕвӕрттӕ. Хистӕр фӕлтӕрыл аудын у горæты администрацийы социалон политикӕйы ахсджиаг къабаз. Бирӕ чи фӕцард, сахары историмӕ æвæрæн чи бахаста, уыдонӕн аргъ кӕнын æмæ сын сӕрмагонд арфӕтӕ кæнын ссис ахсджиаг традици.