Кæд ын цард бирæ æнкъард цаутæ бавзарын кодта, уæддæр уыд цинтæгæнаг, йæ зæрдæйы та маст нæ хаста. Хестанты-Бутаты Хъазыбеджы чызг Победæ стыр æвæрæн бахаста журналистикæйы райрæзтмæ. Ныхасы фарн æм бæрзонд æвæрд уыд æмæ йын снывонд кодта йæ цард.
Хестанты победæ райгуырд 1945-æм азы раст Уæлахизы бон æмæ йын, кæй зæгъынæй хъæуы, ном дæр уымæ гæсгæ равзæрстой.
Йæ ном сси хъысмæтхæссæг. Йæ размæ æвæрд хæстæ æдзух уæлахизимæ æххæст кодта. Сæ хъæуы астæуккаг скъола каст куы фæци, уæд бацыд Цæгат Ирыстоны паддзахадон педагогон институтмæ, уырдыгæй та газет “Рæстдзинад”-мæ. Победæ 40 азы снывонд кодта Цæгат Ирыстоны радиойæн. Уыд уацхæссæг, редактор, тæлмацгæнæг, фæлæ ма уыцы рæстæг журналистикæйы сусæгдзинæдтæ амыдта кæстæр фæлтæрæн. Студенттæн йæ кусæн уат уыд дæсныйады æрмадз.
2017-æм азы пенсийы куы рацыд, уæд йæ цард снывонд кодта литературæйæн. Йæ уацмыстæ мыхуыры рацыдысты цалдæр чиныгæй. Стæлмац кодта дунейы зындгонд класикты дæр. Мадæлон æвзагæн лæггад кæнын нымадта йæ хæсыл æмæ йын царды фæстаг бонмæ нæ бафæллад лæггад кæнынæй. Хестанты-Бутаты Победæйæн фæстаг фæндараст зæгъдзысты 25 июлы.
