Кæронмæ æрхæццæ сты Цæгат Кавказы федералон зылды ерыстæ боксæй. Ссардтой сæ сæрмагонд æфсæддон операцийы чи фæмард, уыцы хæстонты ном.
Фыццаг бынат райсыныл тох кодтой 13-14-аздзыд спортсментæ 16 уæзы категорийы.
Финалмæ рацыдысты цæгатирыстойнаг 8 лæппуйы: Бицъоты Батраз, Даниэль Коберидзе, Багаты Арсен, Такъоты Давид, Хестанты Эльбрус, Мыкагъаты Тамерлан, Хацырты Эльбрус æмæ Владислав Бризицкий. Архайджытæ æдæппæтæй уыдысты 168. Ерыстæ сты “Физкультурæ æмæ спорты райрæзты” паддзахадон программæйы иу хай
