Кавказ фашисттæй суæгъд кæныныл тохы 80 азмæ Цæгат Ирыстоны паддзахадон университеты байгом равдыст. Экспозициимæ базонгæ уæвынмæ æрбацыд 100 студенты бæрц.
Уыдонæй 20-æй фылдæр Фыдыбæстæйы Стыр хæсты архайджыты къамтимæ æмæ уыцы рæстæджы документтимæ. 75 боны дæргъы цы карз тох цыд, уый фенæн ис графикæйы хуызы. Равдыстæн æрмæг æрæмбырд кодтой архивты. Йæ сæйраг нысан — фæсивæды Фыдыбæстæйы Стыр хæсты цаутимæ хуыздæр базонгæ кæнын.
Равдыст бацæттæ кæныны хъæппæрис разынд истроийы æмæ журналистикæйы факультетты декантæм. Сæ ныхæстæм гæсгæ йæ фидæны скæндзысты бынативгæ равдыст. Æвдисдзысты йæ регионы ахуырадон уагдæтты. Райсом та Цæгат Ирыстоны паддзахадон университеты ацæудзæн, Кавказ фашисттæй суæгъд кæныныл тохимæ баст наукон-практикон конференци.
