Дзæуджыхъæуы администацийы сбæрæг сты нывты конкурс «Слово и образ» -ы уæлахиздзаутæ. Ерысы бацархайдтой 60 адæймаджы республикæйы алы районтæй. Адих сæ кодтой сæ кармæ гæсгæ дыууæ къордыл: 7 азæй 12 азы онг, стӕй 13 азæй 20 азы онг кæуыл цæуы, ахӕмтыл.
Сæ размæ ӕвæрд уыд хæс – Хетæгкаты Къостайы уацмыстæ «Халон æмæ рувас» æмæ «Балцы зарæг» -ы бындурыл скæнын нывтæ. Фыццаг къорды архайджытæ скодтой 42 нывы, дыккаджы та – 18. Уыдонæн аргъ скодтой дæсны специалисттæ: фысджытæ, нывгæнджытæ. Ӕвзӕрст ӕрцыдысты хуыздӕртӕ. Зæгъæн ис, æмæ сæ фидæны фенæн уыдзæн сывæллæтты журнал «Ногдзау» -ы дæр. Уæлахиздзауты схорзæхджын кодтой 1, 2 æмæ 3 къæпхæны дипломтæй æмæ лæвæрттæй. Æркаст расидтысты Хетæгкаты Къостайы номыл наукон-ахурадон центры хъæппæрисæй.
