Æхсæнадон советы уæнгтæ фæндаггон хæдзарады комитеты æрдзырдтой фæндаджы къабазы райрæзтыл. Ахджиагдæр хъуыддæгтæй иу «Кавказ» – Хурыхъæу – Малгобек – Мæздæг» фæндаджы рацарæзт.
Куыстыты 70% æххæстгонд æрцыдысты. Объект æнæхъæнæй арæзт фæуыдзæн ацы азы кæрон. Зæгъын хъæуы уый дæр, æмæ фæндаг цалцæггонд куы ’рцæуæ, уæд Дзæуджыхъæуæй Мæздæгмæ цæуыны рæстæг фæкъаддæр уыдзæн 40-50 минуты бӕрц. Уымӕй уӕлдай ма, цæттæгæнæн куыстытæ цæуынц Цыкола- Мацута-Комы-Арты фæндаджы арæзтады. Объект куы срæвдз уа, уæд Дыгургоммæ туристтæ сарæх уыдзысты.
Æмбырды ма архайдтой амалхъом адæм. Куыд бафиппайдтой, афтæмæй бизнесментæ бакусынц инфраструктрæйы элементтæ саразыныл. Республикæйы амалхъом адӕмы бартæ хъахъхъæнæг Медойты Тимуры ныхæстæм гæсгæ, проект аразгæйæ, æнæмæнг, æргом аздахын хъæуы алы объектмæ дæр.
