Къазнайы æфстау æхцайы хардзæй инфраструктурон проектты райрæзтыл Цæгат Ирыстоны хицауады сæрдар Дзанайты Барис Мæскуыйы ныхас кодта Уæрæсейы экономикон райрæзты министрады регионалон рæзты Департаменты директор Виталий Алтабаевимæ.
Хицауады къамис регионтæн æххуысы механизмы фæлгæты сæрмагонд проекты руаджы 300 млн сомы рахай кæндзысты горæтæн æхсæнадон транспорт балхæнынæн. Дзанайты Барис куыд фæнысан кодта, афтæмæй къазнайы кредитты æххуысæй регион архайы 6 проектыл. Сæ фылдæр сты республикæйы цæрæнуæттон-коммуналон инфраструктурæйы райрæзтæн. Уымæй уæлдай ма Цæгат Ирыстоны бæстон куыст цæуы социалон, фæндаггон, инженерон инфраструктурæйы райрæзты фæдыл.
