Кинотеатр «Октябрь»-ы бынаты Дзæуджыхъæуы фæзындзæн фæлладуадзæн бынат. Абон дзы райдыдтой цалцæггæнæн куыстытæ. Сæрмагонд техникæ уал исы зæронд уæлцъар.
Пъланмæ гæсгæ, дзы сæвæрдзысты бандæттæ, сифтонг кæндзысты рухсдæттæн системæ. Снывыл кæндзысты йæ алфамбылӕйттӕ дæр. Куыстытæ хъуамæ баххæст кæной иу мӕймӕ. Горæты администрацийы куыд фæнысан кодтой, афтæмæй хæстæгдæр дыууæ азы дзы уыдзæн сквер.
Фæлæ, уый фæстæ, гæнæн ис, æмæ дзы фæзына æндæр объект. Ӕрӕджы дӕр ма кинотеатры бынатæй пайда кодтой хæдтулгæтæ æвæрынæн.
Абонæй фæстæмæ ам хæдтулгæтæн лæууæн бынæттæ нал уыдзæн. Райдыдтам цалцæггæнæн куыстытæ. Горæты цæрджытæн сараздзыстæм фæллуадуадзæн бынат. Дзуапп дæтдзæн нырыккон домæнтæн. Бирæ хъуыдытæ уыди, бынатæй куыд спайда гæнæн ис, уый фæдыл. Фæлæ, горæты разамынд рахаста уынаффæ, бынаты сквер саразын.
