Иутæ ног ахуырадон азмæ цæттæ кæнынц, нæ дарддæры æрмæджы хъайтартæ та — волейболы сезонмæ. Кировы районы командæйæн сæ къухы бафтыд къорд æнтыстдзинæдтæ. Тренировкæтæ цæуынц ног нырыккон спортивон центры. Арæзт æрцыд национ проектмæ гæсгæ. Тагъд рæстæджы та Цæгат Ирыстоны ацæудзæн егъау республикон турнир. Æрæмбырд дзы уыдзысты бæстæйы алы горæттæй командæтæ. Нæ спортсментæ дзы равдисдзысты сæ цæттæдзинад.
Ацы æвзонг чызджытæ, гæнæн ис, æмæ фидæны суой зындгонд спортсменкæтæ. Кæд сæм мæй тренировкæ нæ уыд, уæддæр сты цырд æмæ æнæзивæг. Сæ цæттæдзинад сын хорз æххуыс уыдзæн ног сезоны. Командæйы бирæ ног архайджытæ ис, уыдон дæр сæхиуыл æвæллайгæйæ кусынц, фæлæ фылдæр уæз уæддæр цæуы командæйы тыхджындæртыл.
Чызджытæ тренировкæ кæнын райдыдтой нысангонд афонæй раздæр. Раззагдæр суæвынæн æрмæст уæлахизмæ тырнындзинад фаг нæу. Волейбол – командæйы иумæйаг архайд у. Къорды архайддыты ‘хсӕн цы ахастдзинӕдтӕ ис, уымæй аразгæ сты фидæны æнтыстдзинæдтæ. Уалыты Валерия командæйы капитан у. Куыд радзырдта, афтæмæй ныртæккæ ахсджиагдæр у рæдыдтытыл куыст.
Республикон егъау турниры сæмбырд уыдзысты алы горæттæй тыхджын къордтæ. Кировы районы иугонд командæйæн фадат уыдзæн Горæтгæрон районы къорд æмæ “Аланочка”-имæ ногæй фембæлын.
Командæтæ иууылдæр тыхджын сты. Республикон ерыстæ æмæ турниртæм сæхи хорз бацæттæ кæнынц. Алы командæ дæр фæтырны уæлахизмæ. Уымæ гæсгæ хъæзтытæ рауайынц цымыдисаг.
Æрæджы цы командæ фæзынд, уый ныридæгæн раззагдæр бынæттæ райста куыд республикон, афтæ æппæтуæрæсеон æмвæзадыл дæр. Спортсментæ æмæ тренертæ куыд зæгъынц, афтæмæй сезоны хъуамæ сæхи иттæг хорз равдисой. Тыхтæ та сын дæттынц спортуарзджытæ. Стыр турнир ацæудзæн сентябры.
