Фермертæн æххуысæн Цæгат Ирыстон райсдзæн 34 милуан сомы. Спайда сæ кæндзысты льготон хуыз кредит исынмæ чи хъавы, уыцы аграритæ. Курдиат бадæтгæйæ кредит кæмæн радтой, уыдонæн æхцайы фæрæзтæ арвитдзысты хъæууон хæдзарады банчы хыгъдмæ.
Дзуапдæттæг министрады зæгъынц, ахæм æххуысы фæрцы тауинаг рæстæг ацæудзæн æнæ къуылымпытæй. Фæстауæрцгæнæн фондæй æхцатæ хардзгонд цæудзысты кредитон куыстуæтты субсидитыл. Уыцы кредитон организацитæ та зæхкусджытæн хъуамæ дæттой льготæмæ гæсгæ æфстау æхца.
Программæ æххæст кæнын райдыдтой 2017 азы. Кредит райсæн ис 5% ставкæйыл. Спайда та дзы кæнæн ис хоры кæнæ фосы мыггаг балхæнынæн, арæзтад, рацарæзт, уыимæ хи куыстуаты ифтонгадыл.
