Цӕгат Ирыстоны райдыдтой артаджы станцӕты æнæрадон басгӕрстытӕ

14.07.2026 13:20

Иуӕй-иу рæтты бензины литр 90 сомӕй зынаргъдӕр сси. Республикӕйы сӕргълӕууӕг Сергей Меняйло бабар кодта рейдтӕ саразын.

Цӕгат Ирыстоны райдыдтой артаджы станцӕты æнæрадон басгӕрстытӕ. Аххосаг — ӕргъты сонт рӕзт. Иуӕй-иу рæтты бензины литр 90 сомӕй зынаргъдӕр сси. Республикӕйы сӕргълӕууӕг Сергей Меняйло бабар кодта рейдтӕ саразын. Уый тыххӕй Цæрæнуæтты-коммуналон хæдзарад, артаг æмæ энергетикæйы министрады æрæмбырд кодтой кусӕг къорд. Йæ хыгъды — Федералон антимонополион службӕ, Уæрæсейы фæлхасадмæ цæстдарды, Уæрæсейы техникон цæстдарды ӕмӕ Ӕнæнхъæлæджы уавæрты министрады минæвæрттæ. Басгӕрстытӕ уымӕн райдыдтой, ӕмӕ æргъты стыр хицӕндзинад раиртӕстой. Эксперттӕ куыд зӕгъынц, афтӕмӕй уымæн экономикон аххосӕгтӕ нӕй. Ныридӕгӕн басгæрстыты фæдыл гӕххӕттытӕ балæвæрдтой антимонополион службӕмӕ. Уыцы иу рæстæг кусӕг къорд зилы хӕдбар станцæтыл ӕмӕ бӕрӕг кӕны, сæ хицæуттæ аргъ куыд нымайынц, уый. Къорды уӕнгтӕ куыд зӕгъынц, афтæмæй закъонхалджытæ хъуамæ радтой дзуапп

Предыдущий материал

Дзӕуджыхъӕуы дарддӕр цӕуы бӕлвырд наукӕты сӕрдыгон скъола

Следующий материал

Цӕгат Ирыстоны ист цæуы аивадон киноныв

Читайте также

Все новости