“Мамысон” кадджын уавæры байгом уыдзæн 14-æм мартъийы 12 сахат æмæ 30 минутыл. Ахсджиаг цаумæ цæттæгæнæн мадзæлттыл ныхас цыд Дзанайты Барисы разамындæй æмбырды

“Мамысон” кадджын уавæры байгом уыдзæн 14-æм мартъийы 12 сахат æмæ 30 минутыл. Ахсджиаг цаумæ цæттæгæнæн мадзæлттыл ныхас цыд Дзанайты Барисы разамындæй æмбырды. Раззагдæр фарстатыл æрдзырдта “КАВКАЗ.РФ”-ы æххæстгæнæг директор Хасан Тимижев, вице-премьертæ Икъаты Русланбег æмæ Платы Альбинæимæ. Программæйы — чъиритæ кæныны фестиваль, æрмдæсныты равдыст. Музыкалон хайы архайдзысты доулийæ æвзонг цæгъдджытæ, ансамбль “Алан” æмæ зындгонд артисттæ. Ауындзгæ фæндæгтæ фыццаг бон уыдзысты лæвар. 14-æм мартъийы райсомы 9 сахатыл Ирон театры цурæй “Мамысонмæ” лæвар цæудзысты автобустæ. Æрбаздæхæн дæр сыл уыдзæн.