Цæгатаг полярон зæххытæ быронæй ссыгъдæг кæнын. Æппæтуæрæсеон адæмон фронты минæвæрттæ архайынц «Чистая Арктика», зæгъгæ, проекты. Акци райдыдта Таймыры. Активисттæ уым балæууыдысты Уæрæсейы 12 регионæй.
Бархионты фыццаг къорд сæмбырд кодта бырон 12 уӕзласӕн хæдтулгæйы дзаг. Æдæппæтæй 150 тоннæйы. Фæзуат бафснайдтой, ныр та йæ саив кæндзысты. Дыккаг къорд хауæццæгтæй ссыгъдæг кодта «Полярный круг», зæгъгæ, стеллæйы алфамблай. Ацы мæй ма цалдæр экспедицийы бакусдзысты Карели, Архангельск æмæ Мурманскы облæстты.
«Чистая Арктика» акцийы сæйраг хæс – Уæрæсейы полярон зæххыты сыгъдæгдзинад. Нырмæ уал базылдысты Арктикæйы зæххыты 70 гектармæ. Фæсивæд сæмбырд кодтой згъæр хауæццгæты цалдӕр сæдæ тоннæйы.
