Нацгвардийы кусджытæй сæрмагонд æфсæддон операцийы чи фесгуыхт, уыдоны схорзæх кодтой паддзахадон хæрзиуджытæй. Республикæйы сæргълæууæг Сергей Меняйлойы ныхæстæм гæсгæ, майдантæ чи райста, уыдон сты Кады аккаг. Арфæ сын ракодта æмæ сын бафæдзæхста хи хъахъхъæнын æмæ æнтыстджын уæвын.
Хъæбатырдзинады фæдыл салдæтты бинонтæн бузныджы ныхæстæ загъта Уæрæсейы гвардийы инæлар-лейтенант Григорий Мощик. Регионы разамындæй фæбузныг «Посмотри на их лица» акцийы тыххæй. Æхсардзинады тыххæй нацгвардийы цæгатирыстойнаг управленийы минæвæртты схорзæх кодтой Лæгдзинады орден, «За отвагу» майдантæ, уыимæ «Суворовы» æмæ «Жуковы» майдантæй.
