Нацпроект «Демография» куыд æххæстгонд цæуы, уыцы фарстатыл æрныхас кодтой адæмæн куыст дæттыны хъуыддаджы фæдыл координацион комитеты æмбырды. Сæрдариуæг дзы кодта вице-премьер Ирина Азимова. Нацпроект фарон æнтыстджынæй кусын райдыдта пенсимæ рацæуыны агъоммæйы кары адæмæн.
Куыстдæттæн комитеты сæрдар Платы Альбинæйы ныхæстæм гæсгæ, ахуырадон программæ ныридæгæн ацыдысты 561 адæймаджы. Нацпроект «Демография» -йы фæлгæты мадзæлттæ дарддæр фæнд кæнынц æндæр форматы аразын.
Ацы аз Проекты бацархайæн ис астæуккаг профессионалон ахуыргæнæндæтты рауагъдонтæн. Ныхас цæуы, «WorldSkills Russia»-йы фæрцы куыст ссарын йæ бон кæмæн не суа, уыдоныл. Уыцы мадзæлттæн нæ бæстæйы рахай кодтой 3 млрд сомы. Ахуыртæ ацæудзысты 110 мин адæймагæй фылдæр. Фæлварæнты фæстæ, дæсныйады дипломтæй уæлдай, рауагъдонтæн лæвæрд цæудзæн «Skills паспорт». Æвдисæндармæ гæсгæ комитет æххуыс кæндзæн куыст ссарын.
Уымæй уæлдай, ацы аз нæ республикæйы кусын райдыдта сæрмагонд федералон проект, сывæллæттæм чи кæсы, уыцы мадæлтæн. Йæ фæрцы ис квалификаци фæбæрзонддæр кæнын. Нырмæ уал 52 адæймагимæ бафыстой 36 бадзырды.
