Национ проект «Жильё и городская среда»-йы бюджет иннæ аз фæнд кæнынц 21 млрд сомы бӕрц фæфылдæр кæнын. 2023-æм æмæ 2024-æм азты та – 83 млрд сомы бӕрц фæкъаддæр уыдзæн. Уый фæнысан кодтой федералон бюджеты.
Æппæты фылдæр ивддзинæдтæ бахастой «Цæрынмæ чи нал бæззы, уыцы цæрæнуæтты нымæц къаддæр кæныны фонд»-ы куыстмæ. 2022-æм æмæ 2023-æм азты та кæлæддзаг хæдзæрттæй раивыны ног программæйæн рахай кæндзысты 22 млрд сомæй фылдæр. Ныхас цæуы, 2017-æм азы 1 январæй фæстæмæ кæй банымадтой кæлæддзæгтыл, уыцы цæрæнуæттыл.
Раздæр уыцы программæйы тыххæй фæндон рахаста Уæрæсейы президент Владимир Путин. Паддзахады сæргълæууæг куыд фæбæрæг кодта, афтæмæй æгас бæстæйы ахæм цæрæн бынæттæ 11 млн квадратон метрæй фылдæр не сты. Ныртккæ уал рахай кодтой 45 млрд сомы.
