ОСАГО-йы фæдыл фиддонты нымæц ног азы фæнд кæнынц фæфылдæр кæнын. Уыимӕ, зианӕрхасты ныхмӕ ӕхца фидгӕйӕ, раздӕрау, кӕсдзысты, хӕдтулгӕ цас ӕфхӕрд ӕмӕ дӕрдджын у, уымӕ дӕр. Æнæмæнг фæдзæхстады гæххæттытæ кæмæ нæ разына, уыцы шофырты æфхæрдзысты карздæр. Уый тыххæй «Уæрæсейы газет»-æн фехъусын кодта хæдтулгæты фæдзæхстадон цæдисы президент Евгений Уфимцев.
Уæ зæрдыл уын æрлæууын кæндзыстæм, æнæниздзинад æмæ царды фæдзæхстадон фиддонтæ ОСАГО-йы сты 500 мин сомы онг. Цæф хæдтулгæйæн хъыгдæрд баййафæджы бон райсын у 400 мины онг. Уыцы-иу рæстæг ОСАГО-йы полисы аргъ дæр санкциты фæстæ сырæзт.
