Чысыл æмæ астæуккаг бизнес, стæй, социалон нысаниуæг кæмæн ис, ахæм æнæкоммерцион куыстуæттæн сæ бон у гранты хуызы паддзахадон æххуыс райсын. Бæлвырддæр дзургæйæ та, пандемийӕйы рæстæг йæ куыст чи баурæдта, уыдон.
Ахæм æххуыс бакæныны фæтк снысан кодта хицауады сæрдар Михаил Мишустин. Раздæр ма уыцы хъуыддагæн бæстæйы хицауад бюджеты снысан кодта 8 миллиард сомы. Ацы æххуыс райсдзысты, ковиды аххосæй йæ куыст чи баурæдта, уыцы амалхъом адæм. Уый тыххæй хъæуы курдиат бадæттын хъалонты Федералон службæйы порталы хи кабинетӕй.
