Коронавирусы рæстæг Цæгат Ирыстоны æххуысцух адæмæн чи лӕггад кодта, уыцы бархионтæн раарфæ кодтой. Парти «Иугонд Уæрæсе»-йы бархионты центры 19 минæвары схорзæхджын кодтой кады гæххæттытӕ æмæ зæрдылдарæн лæвæрттæй. Уыдон сты медицинон колледжы, медицинон академийы æмæ иннæ уæлдæр ахуыргæнæндæтты студенттæ. Æххуысцух адæмæн ластой хостæ æмæ хойраг. 26-æм мартъийæ нырмæ сæххæст кодтой 600 курдиатæй фылдæр. Бæлвырддæр нæ дарддæры æрмæджы.
Косты Марат Хæххон-металлургон институты арæзтадон факультеты æртыккæгæм курсы студент у. Коронавирусы низ 4 мæйы размæ нæ республикæйы парахат кæнын куы райдыдта, уæд бацыд бархионæй адӕмӕн ӕххуыс кӕнынмӕ. Ацы хъусынгæнинаг базыдта йе `мбæлттæй.
Æххуыс кодтой куыд гуманитарон, афтæ социалон æгъдауæй дæр. Алы кары адæмæн ӕрвылбон ластой алыхуызон хойрæгтæ. Алчидæр сæ йæ хæсыл банымадта æххуысцух адæмæн балӕггад кæнын. Абон парти «Иумæйаг Уæрæсе»-йы уæнгтæ раззагдæр бархионты схорзæхджын кодтой Кады гӕххӕттытӕ æмӕ зæрдылдарæн лæвæрттæй.
Едзойты Марат, Парти «Иугонд Уæрæсе»-йы æххæстгæнæн комитеты разамонæг: «Æнæзивæгæй алы бон дæр лæггад кодтой нæ республикæйы æххуысцух адæмæн. Ацы хъуыддаг у ирд æвдисæн æрыгон адæймагæн. Бузныджы аккаг сты иууылдæр нæ чызджытæ æмæ лæппутæ, ахæм хорз хъуыддаджы кæй архайдтой, уый тыххæй. Зын уавæры фæстæдæр нæ фæлæууыдысты. Мах та сæ стæм бузныг æмæ сæ фарсмæ уыдзыстæм».
Æдæппæтæй 60 бархионы бæрц. Æрыгон лæппутæ æмæ чызджытæ алы бон дæр се ‘нæниздзинадыл нæ ауӕрдгӕйæ, æххуысцух адæмæн лæггад кодтой. Уый та ууыл дзурæг у, æмæ Ирыстонæн ис аккаг кæстæртæ.
Айларты Эмилия
