Парти «Иугонд Уæрæсе»-йы уæнгты хъæппæрисæй сцалцæг кодтой скъолатæ

Балтайы скъола сцалцæггонд æрцыд. Уыимæ ма бæстыхайы æддаг бакаст сног кодтой. Банывыл кодтой скъоламæ бахизæн дæр. Цалцæггæнæн куыстытæ ахуыргæнæндоны нæ цыдысты 30 азæй фылдæр. Арзтадон куыстытæ баххæст кодтой парти «Иугонд Уæрæсе»-йы минæвæртты хъæппæрисæй. Ног ахуыры азмæ ма базылдысты Алагиры 5-æм скъоламæ дæр. Уым ногæй баивдтой бæстыхайы сæр. Уый тыххæй схардз кодтой 5 милуан сомы. Партийы минæвæртты ныхæстæм гæсгæ, ахæм мадзæлттæ аразынц æппынæдзух. Фидæны аз ма партийы мивæртты хъæппæрисæй сног кæндзысты республикæйы районты 5 скъолайы.