Пенсимæ рацæуын чи хъавы, уыдонæй 500 адæймаджы ацæудзысты ног дæсныйад райсыны ахуыртæ

25.11.2019 21:57

Сараздзысты сæ «Демография» национ проекты фæлгæты.

Пенсимæ рацæуын чи хъавы, уыдонæй 500 адæймаджы ацæудзысты ног дæсныйад райсыны ахуыртæ. Сараздзысты сæ «Демография» национ проекты фæлгæты. Адæмы ахуыр кæндзысты хуыйæг, æндадзæг, сывæллæтты хъомылгæнæг æмæ бухгалтеры дæсныйæдтыл. Уый тыххæй хъусын кæнынц республикæйы куыстдæттыны комитеты. Ацы аз фæнд кодтой 253 адæймагимæ бакусын, фæлæ сæ нымæц 487 онг схызт. Афтæмæй, ахуыртыл бахардз кæндзысты 12 милуан сомæй фылдæр. Æмгуыстады бадзырдæ бафыстой уæлдæр æмæ астæуккаг ахуыргæнæндæттимæ. Пенсимæ чи нæма рацыд, уыдоны ахуыр кæндзысты ноджы компьютертыл пайда кæнын. Æмткæй райсгæйæ, федералон проекты фæлгæты, йæ ном «Хистæр фæлтæр», зæгъгæ, сæрмагонд ахуыртæ ацæудзысты 1 518 адæймаджы 2024-æм азмæ. Национ проект «Демография» йæхæдæг арæзт у 5 федералон проектæй. Йæ иуумæйаг бюджет хæстæгдæр 6 азмæ у 3 триллион сомæй фылдæр.

Предыдущий материал

Ансамбль «Алан»-ы кафджыты студи ногæй байгом кæндзысты æви нæ, уый рабæрæг уыдзæн хæтсæгдæр рæстæг

Следующий материал

Форум «Вектор спасения – Кавказ»-2019-ы куыстæн скодой хатдзæгтæ