Персаты Арнеллæйы чысыл æфсымæр Алихан дæр хъæугæ медицинон æххуыс райста. «Zolgensma» кæй хонынц, уыцы хосæй генон терапи ацыд. Ныртæккæ сывæллон ис Мæскуыйы, Педиатрийы наукон-иртасæн клиникон институты. Дохтыртæ куыд зæгъынц, афтæмæй йæхи хорз æнкъары. Медицинон æххуыс райста Цæгат Ирыстоны сæргълæууæг Битарты Вячеславы æххуысæй.
Уый баныхас кодта «Фармимэкс» компаниимæ. Персаты бинонтæ ахæм æххуысмæ æнхъæлмæ дæр нæ кастысты. Куыд зæгъынц, афтæмæй ацы бон сси чысыл лæппуйы дыккаг райгуырæн бон. Зæрдæбын арфтæ ракодтой Битарты Вячеславæн æмæ «Фармимэкс»-ы президент Александр Апазовæн. Абон ма республикæйы сæргълæууæг бафыста уынаффæ, цæмæй Александр Апазовы схорзæхджын кæной «Ирыстоны Намысы» майданæй.
