Президенты æвзæрстытæм регистраци

8.02.2018 16:36

Президенты æвзæрстытæм кандидатты регистраци абон фæуыдзæн – хъусын кæнынц центрон æвзарæн къамисæй.

Президенты æвзæрстытæм кандидатты регистраци абон фæуыдзæн – хъусын кæнынц центрон æвзарæн къамисæй. Фæстæдæр сараздзысты бюллетентæм кæй нæмттæ бахæсдзысты, уыцы кандидатты номхыгъд. Цалдæр сахаты размæ регистраци скодтой Ксения Собчак æмæ Максим Сурайкин. Кандидатты æвдисæндартæ фыццагдар райстой Владимир Жириновский æмæ Павел Грудинин – сты парламенты минæвæрттæ æмæ сæ къухфыстытæ æмбырд кæнын нæ хъуыд. Президенты бынатмæ кандидаттæ сты Владимир Путин – йæ кандидатурæ йæхæдæг балæвæрдта, парти Яблоко-йы минæвар – Григорий Явлинский, парти «Росты» минæвар Борис Титов æмæ “Уæрæсейы æппæтадæмон цæдисы” минæвар Сергей Бабурин. Афтæмæй, регистрацийы домæнтæ иууылдæр æнтысджынæй сæххæст кодтой. Уæ зæрдыл ма уын æрлæууын кæндзыстæм, Уæрæсейы президенты æвзæрстытæ ацæудзысты 18 мартъийы.

Предыдущий материал

Алайнаг гимназы ног къордтæ

Следующий материал

Дачæты амнистийы рæстæг кæронмæ архæццæ кæны

Читайте также

Все новости