«Like инватуризму». Ахæм сæргондимæ проект цæуы республикæйы. Сæрмагондæй йæ расидтысты, се ‘ нæниздзинад хъыгдæрд кæмæн у, уыцы фæсивæдæн. Сæйраг нысан – се `нæниздзинадмæ гæсгæ сæ авналæнтæ цыбыр кæмæн сты, уыдонæн арæзт туристон марштурттæ парахат кæнын. Фестивалы кæронбæттæны та ацыд фестиваль «Уацамонгæ». Цавæр арæхстдзинад хъуыди равдисын финалы, уый тыххæй нæ дарддæры æрмæг.
Канд национ кæфтытæ нæ, фæлæ ма вокал, аив ныхасы арæхстдзинад æмæ ирон къæбиц. Фестиваль «Уацамонгæ» Цæллагты мыггаджы мæсыджы æрбангом кодта, се ‘нæниздзинад хъыгдæрд кæмæн у, уыцы фæсивæды. Цæттæдзинад равдисын, уыимæ райгуырæн бæстæйы тыххæй фылдæр базонынмæ ссыдысты Рахизфарсы æмæ Мæздæджы районтæй.
Алыхуызон нывтæ, быд æрчъитæ æмæ аппликацитæ. Равдысты ис хурæнгæс сывæллæтты куыстытæ. Се ‘ппæт дæр сӕхи къухтӕй арæз. Ацы гæлæбу бацæттæ кæныныл Диана Синицина архайдта 5 сахатæй фылдæр.
Ноджы ма адæмы размæ рахастой Нарты кадджыты хъайтарты. Æхсæртæг абалц кодта Донбеттыртæм, Ацæмæз цæгъды уадындзыл, уæдæ снывæфтыдтой Сатанайы дæр.
Форумы программæ разынд хъæздыг æмæ цымыдисаг. Фæсивæд ма бабæрæг кодтой æфсæддон намысы бынæттæ, уыимæ Ирыстоны кувæндæттæ. Æдæппæтæй фестивалы бацархайдтой 25 адæймаджы. Иннæ аз «Уацамонгæ» ацæудзæн 25-æм хатт.
